Akala ko noong una, mas madali maging interviewer kaysa maging guest. Pero habang ginagawa ko na sa The bossROD Podcast, doon ko narealize na sobrang iba pala talaga ang pressure kapag ikaw ang nagtatanong at nagdadala ng usapan.
Ang hirap pala magtanong ng best questions
Noong una kong ginagawa ang The bossROD Podcast as an interviewer, doon ko napansin na ang hirap pala talaga magtanong ng best questions.
Sa mga unang episodes ko, habang kinakausap at pinapakinggan ko ang guest, yung utak ko at the same time nakaabang din sa next question. Minsan chine-check ko pa yung script habang ongoing ang usapan.
Ang hirap pala nun kasi imbes na fully present ka sa sinasabi ng guest, hati ang focus mo.
Yung trap sa script at sa walang script
Doon ko rin nakita na hindi rin pala madali kapag wala ka namang script. Kaya parang trapped ka sa gitna. Nahihirapan ka kapag sobrang naka-script, pero mahirap din kapag wala kang guide.
Doon ko narealize na hindi sapat na may listahan ka lang ng tanong. Hindi rin sapat na aasa ka lang sa flow. Kailangan mong matutong makinig habang malinaw pa rin sa isip mo kung saan mo gustong dalhin ang usapan.
Listening over scripting
Habang tumatagal, sinubukan kong baguhin yung strategy ko. Imbes na sobrang kumapit sa script, mas pinili kong mag-focus talaga sa pakikinig at sumabay sa natural na flow ng conversation.
At doon ko mas nakita na mas effective pala siya.
Kapag laser focus ka sa guest at sa story niya, mas kusang lumalabas yung mga tamang tanong. Mas nagiging natural ang usapan. Mas buhay. Mas totoo.
Iba ang bigat kapag ikaw ang interviewer
Doon ko narealize na bilang guest, ibang-iba talaga. Kapag guest ka, sasagot ka lang at magsha-share ng story mo. Pero kapag interviewer ka, responsibilidad mong dalhin yung usapan, makinig nang mabuti, at hanapin yung mga tanong na magpapalalim pa sa kwento.
Iyon yung part na hindi ko nakita agad noong una. Akala ko ang trabaho ng interviewer ay simpleng magtanong lang. Pero sa totoo lang, trabaho mong alalayan ang buong conversation para lumabas yung pinaka-importanteng parts ng story.
I will continue doing this
So far, mahina pa rin akong nilalang bilang interviewer, pero alam kong nag-iimprove ako.
At isa rin sa pinakamagandang bagay sa The bossROD Podcast ay hindi lang ako yung natututo. Habang nakikinig ako sa iba't ibang tao, iba't ibang journey, at iba't ibang perspective nila sa buhay, mas lalo ko ring naa-appreciate kung gaano ka-valuable ang ganitong klaseng conversation.
I will continue doing this.
Gusto kong mas gumaling pa.
Gusto kong mas maintindihan pa ang art of listening.
At gusto kong maabot yung goal na maging isa sa biggest podcasters dito sa Pinas.
Final thought
The bossROD Podcast made me realize that being a great interviewer is not just about asking questions. It is about listening deeply, being present, and letting the story lead the conversation.
What's something na akala mo madali lang, pero nung ikaw na ang gumawa, doon mo narealize na sobrang hirap pala?